VOV4.M'nông: Groi Thủ tướng Rnâng kan Phạm Bình Minh mhe geh si ƀŭt đă Bộ Giao thông vận tải ƀư tơm, kan nsum đah Ủy ban đăp mpăn hăn ntung gưl neh dak ndăn ôp uănh tay, mbơh Thủ tướng Chính phủ dăp rgum ăp tŏng nuĭh kan tâm Ủy ban đăp mpăn hăn ntung gưl neh dak; nkre dăn đă Ban đăp mpăn hăn ntung ăp n'gor ôp uănh tay ăp tŏng lam lĕ rngôch, dăp rgum nuĭh kan tĭng n'glĕ nău dơi tŏng đah pah kan mât đăp mpăn hăn ntung tâm nô nău mhe. Groi Thủ tướng đă Bộ Công an rđău đă Công an ăp đơn vị, ăp n'gor hăn rsong uănh tay, treng nđôi n'hanh nkra rmal nău tih mpeh đăp mpăn hăn ntung nkre đah nău ŭch mpeh njrăng n'gang nuh srê Covid-19; njrăng đă mô an geh kol khan trong ta ăp ntŭk kâp njrăng nuh srê, khuch tât soih trong hăn rdeng ndơ n'hanh rsong hăn bah nuĭh ƀon lan, geh ma nău ntưp rêng nuh srê./.

Nuĭh rblang: Điểu Thân