VOV4.M'nông: Ngoăy tâm ăp nkô̆ khlay dơi Tâm nchră Trung ương tâl 4 Ban Chấp hành Trung ương Đảng (Khóa 13) tâm nchră, nê lah: njêng nău tâm ban ŭch âk mpeh trong nchrăp, rnoh tât kan, nău dơn kan n'hanh trong nkra gay n'hao dăng rdâk njêng, dăp rgum Đảng; nking nchăng, ntrôl rŭch nău hŭch hêng mpeh nău mĭn chính trị, nuih n'hâm, gŭ rêh, ăp nău mpơl "mân êng", "rgâl djơh êng" tâm trôm nơm.

Nău mbơh ta rnôk tâm nchră an gĭt: 5 năm aơ, geh rlău 87 rbăn đảng viên geh rmal, tâm nê, 46 rbăn đảng viên geh rmal tă geh tât hŭch hêng mpeh nău mĭn chính trị, nuih n'hâm, trong gŭ rêh, "jêng mân êng", "rgâl jêng djơh êng. Nău dja an saơ pah kan njrăng n'gang sa khâm hŏ geh ăp nău rgâl khlay, ndrĭ yơn mô hŏ tŏng đah nău ŭch geh rdâk njêng, dăp rgum đảng kloh uĕh nâp dăng. Tĭng Tổng Bí thư Nguyễn Phú Trọng: "nău khuch djơh" dŭt klach rvê lah nău hŭch hêng mpeh nău mĭn chính trị, nuih n'hâm uĕh lŏng, gung trong gŭ rêh jêng tât geh sa khâm. Hôm sa khâm n'hanh hŭch hêng mpeh nău mĭn chính trị, nuih n'hâm, trong gŭ rêh, "jêng mân êng", "rgâl jêng djơh êng lah ăp nău mpơl khuch djơh da dê./.

Nuĭh rblang: Điểu Thân