VOV4.M’nông: Tâm bôk rơh rƀŭn tal bar, Quốc hội gưl 15, ôi lơ 21/10, Quốc hội tâm nchră tâm rmôt mbơh mpeh nau kan njrăng, rdâng srê Covid-19 ndrel nau ƀư nau ntrŭnh mrô 30 năm 2021 mpeh rơh rƀŭn tal bôk năp, Quốc hội 15. Âk ntoh măt tâm di đah ăp nau tă blau, nkô̆ nau, nau mĭn, nau kan njrăng rdâng srê Covid-19 tâm rơh tât ma nau mbơh kloh, tâm nê ân geh uănh khlay tât nau njrăng srê Covi-19 ân ngăch, đăp mpăn nau rêh. Chính phủ nchră luh du đê̆ nau kan, ngăn lah tâm nê rgum ngăn nau ƀư ân ngăch, săk tâm nkre đăp mpăn njrăng, rdâng srê Covid-19, nkre ndâk nau kan hun hao văng sa, rêh jêng, ntrŭnh ƀư ân tam nau kan rgum mpeh nau njrăng, rdâng srê, geh nau ƀư ân đăp mpăn, ngăch, nkân njrăng srê Covid-19, uănh aơ lah nau kan khlay, ndal bah ăp gưl kan, ăp ntŭk kan ntơm bôk năm 2022./.

Nŭih rblang: H’Thi