Măng nđaơ (28/7), ta tach chưng play Lạch Tray (Tp Hải Phòng) geh ntơm ƀư Hội khỏe Phù Đổng lam dak rơh tal 10. Groi Thủ tướng Chính phủ Lê Thanh Long ndrel âk kruanh ăp N’gâng kan, nău kan n’hanh nkual ƀon têh Hải Phòng râng ntơm ƀư.

Ntoh ngơi ta ntơm ƀư, Kruanh N’gâng kan ntĭm nti Nguyễn Kim Sơn an gĭt, rlet rlău 40 năm têh jêng n’hanh hun hao, Hội khỏe Phù Đổng lam dak rơh tal 10 lah Đại hội Thể thao kon hŏk têh ngăn bah sa ơm tât aƀaơ, rnôk geh rlău 20.000 nuĭh tâm rlong bah 63 n’gor, nkual ƀon têh râng. Aơ lah nău ƀư khlay, lah ntŭk rgum âk ngăn bah ntrong leo tiăr nti săk soan, n’hao ngăch dăng bah kon hŏk phổ thông; nkre lah di an tâm rlong an ăp nău blău thể thao tâm kon hŏk lam dak.