VOV4.M’nông – Ta năp nu nău jêr jŏt bah srê Covid-19 tă bah saơ âk rkum nuĭh ji tâm ntŭk gŭ rêh, kêng măng 24/10, UBND nkual ƀon têh Buôn Ma Thuột (Dak Lak) lĕ an sam ƀŭt đă ăp ntŭk tăch rgâl ndoh ndơ ngêt sa (jay ngêt sa, cà phê) rlu rhŏ an năch ta ntŭk, knŭng dơi an tăch sĭt. Nar kơt dŏng bah 18h nar 25/10 tât lĕ nar 10/11/2021. Ta năp nĕ, nar (21/10), UBND nkual ƀon têh Buôn Ma Thuột lĕ geh sam ƀŭt njuăl ndal gay n’hao lơn tay trong kan njrăng n’gang srê Covid-19.

Du nkual ƀon lan gŭ ta nkual ƀon têh Buôn Ma Thuột geh nchoeng n’gang yor kơp dơn nuĭh ntưp Covid-19 tâm ntŭk gŭ rêh

Kơt nĕ, tâm 3 nar bah năp, UBND nkual ƀon têh Buôn Ma Thuột lĕ an sam ƀŭt nkra rgâl di ăp nău ntrŭnh mpeh tăch rgâl ndoh ndơ dŏng gay n’hao lơn tay trong kan njrang n’gang srê Covid-19 ta lam nkual ƀon têh. Ta Dak Lak, tâm 24h bah năp (kơp bah 4 mông (23/10) tât 4 mông nar (24/10), lam n’gor kơp dơn 93 nuĭh ntưp Covid-19, nkual ƀon têh Buôn Hồ geh rnoh nuĭh ntưp âk ngăn đah 50 nuĭh, nkuăl Cư M’gar 19, nkual ƀon têh Buôn Ma Thuột 13 nuĭh, nkuăl Cư Kuin 11 nuĭh.

Nŭih rblang: Y Sưng Phê Ja