VOV4.M’nông: Lôch 3 pơh lăp dŏng, kơp tât kêng măng nar (30/7) Nhih dak si manh ntăm ƀư mbrô 3 nkual ƀon têh Hồ Chí Minh (ntŭk ntrơn gŭ mhe Bình Khánh mpeh phường An Khánh, nkual ƀon têh Thủ Đức) hŏ ƀư an 1.800 nuĭh sĭt bah  nhih dak si hŏ săm bah covid-19. Bác sĩ chuyên khoa 2 Lý Quốc Công, Kruanh Khoa Lâm sàng, Nhih dak si manh ntăm ƀư mbrô 3 an gĭt, aƀaơ nhih dak si geh 20 nuĭh ji cấp cứu, ân n'hôr oxy. Ăp y bác sĩ dôl nsrôih săm an ăp nuĭh ji, rnôk jêng jru mbra rdeng tât gưl bah lơ. Lĕ rngôch ăp rêng nchroh, phác đồ dŏng tĭng quy định bah Bộ Y tế. Ta nkual ƀon têh Hồ Chí Minh, ăp nar geh hang rbăn nuĭh ji dơi sĭt bah nhih dak si. Tĭng ntŭk rgum mât kân kop ji nkual ƀon têh Hồ Chí Minh, tâm nar 29/7, geh tay 3.131 nuĭh sĭt bah nhih dak si, n'hao lĕ rngôch rnoh nuĭh săm bah ntơm bah ntoh nuh srê lah 28.320.

Nuĭh rblang: Điểu Thân