VOV4.M'nông: Ôi 8/10, Thành ủy, Hội đồng Nhân dân, UBND, Ủy ban MTTQVN nkual ƀon têh Hồ Chí Minh ƀư mpư rnê mpôl pah kan kơl râng njrăng, n'gang nuh srê Covid-19 ta nkual ƀon têh. Ta rơh lễ, kruanh nkual ƀon têh Hồ Chí Minh pă an Bằng khen an 55 mpôl n'hanh Huy hiệu nkual ƀon têh Hồ Chí Minh an 119 nuĭh yor hŏ geh nău dơi ngăch prăl, râng ntop kơl njrăng, n'gang nuh srê Covid-19 ta nkual ƀon têh. Ta rnôk mpư rnê, kruanh rđău kan nkual ƀon têh Hồ Chí Minh an gĭt đŏng, Tâm nchră Trung ương 4 geh âk nkô̆ khlay, tâm nê geh nkô̆ njrăng n'gang nuh srê Covid-19 n'hanh dâk hao tay jâng wăng sa tâm nô nău mhe. Ta năp măt, Bộ Chính trị rđău đă Chính phủ, Ƀan rđău đă gưl neh dak n'hanh ăp n'gor, nkual ƀon têh ân rgum, kan nsum, ơm nkra bah nău hang rbăn nuĭh ƀon lan plơ̆ sĭt êng. Bah meng nău kơl nuĭh ƀon lan geh nău ŭch plơ̆ sĭt đăp mpăn, ăp trong njrăng n'gang nuh srê, ân leo ƀư ăp tŏng rêng nău njŭn nuĭh kan bah ăp n'gor plơ̆ tay ntŭk kan./.

Nuĭh rblang: Điểu Thân