VOV4.M’nông: Rnâng kan rđau nau njrăng, rdâng srê Covid-19 mbơh, nkuăl ƀon têh nchrăp du nau rđau mhe gay tâm ban đah nau kan ngăn bah nkuăl ƀon têh. Bah năp nê, lơ 24/9, Kruanh UBND nkuăl ƀon têh Hồ Chí Minh Phan Văn Mãi hŏ ký nau ntrŭnh mrô 3165 đă Thủ tướng Chính phủ ân nkuăl ƀon têh geh nau ntrŭnh êng dŏng ân nau kan mhe, tâm ban đah nau kan dôl geh tâm nkuăl. Nchrăp nau ntrŭnh aơ mra geh nau tam ndrel dŏng ntơm lơ 1/10.

Ăp nau nchrăp mra nsing tâm nau rƀŏng bah N’gâng kan dak si. Êng nê, nkuăl ƀon têh Hồ Chí Minh kŏ đă geh uănh, kơl an vắc xin ân nkuăl ƀon têh ndrel nkuăl văng sa tơm mpeh ba dâng, gay ơm dơi geh nau nkŭm dŏng tĭng nau ntrŭnh ntĭm nti. Mpeh nau ƀư trong hăn tâm rơh mhe, N’gâng kan gung trong ê geh nau kan ngăn gay ma ƀư nau hăn ro tâm nkuăl ƀon têh ndrel ntrong hăn bah nkuăl, kơt lah ntơm bah ăp n’gor hăn tât nkuăl ƀon têh Hồ Chí Minh ndrel rlơ̆ ma nê./.

Nŭih rblang: H’Thi