VOV4.M’nông: Kêng măng 1/10, ta rơh rƀŭn mbơh bah Rnâng kan rđau nau njrăng rdâng srê Covid-19 nkuăl ƀon têh Hồ Chí Minh, Công an nkuăl ƀon têh mbơh, hŏ rklaih ân nklăp 1.300 nŭih ƀon lan geh sĭt ƀon tâm ôi lơ 1/10. Bah năp nau nŭih ƀon lan hăn tât mpông rdâng bah nkuăl ƀon têh, rmôt công an hŏ tâm rgop nsum đah ntŭk kan pơk loa gay ma nkoch, bonh đă ƀon lan ân geh plơ̆ tay ndrel ƀư 5K đăp mpăn nau đă mpeh nau kan dak si. Jêh rnok bonh đă, nŭih ƀon lan ŭch geh sĭt ƀon nơm ri Công an nkuăl ƀon têh hŏ tâm rgop đah N’gâng kan gung trong nchuăn rdeng, N’gâng kan rđau kan nkuăl ƀon têh pă ăp rmôt tât ăp nkuăl êng êng, pă phiếu mbơh nau. Rnôk hŏ geh tŏng lĕ ndrel tâm nchră đah ăp rnâng kan dăp pă ndrel rdeng ndrel ndoh ndơ, công an nkuăl ƀon têh hŏ leo trong ƀon lan sĭt ân công an nkuăl ndơn. Dơi gĭt, tâm rơh sre nuh mhe rlau, nkuăl ƀon têh Hồ Chí Minh hŏ tâm rgop đah ăp nkuăl gay leo rlau 37 rbăn nŭih sĭt ƀon nơm./.

Nŭih rblang: H’Thi