VOV4.M’nông – Ôi 30/9, Groi Kruanh UBND nkual ƀon têh Lê Hòa Bình lĕ mbơh Ntĭm đă mpeh uănh nđôi tay, nkra rgâl di ăp trong njrăng n’gang srê Covid-19 n’hanh ntơm rdâk hao, hun hao wăng sa-rêh jêng ta nkual ƀon têh Hồ Chí Minh. Tĭng ntĭm đă, nuĭh ƀon lan rnôk râng hăn trong dŏng mã QR bah kơt dŏng VNEID n’hanh kơt dŏng dak si Hồ Chí Minh dơi ƀư nar chuh vaccine; nuĭh mô geh mã QR, mbơh sam ƀŭt sam tra kơt:

Rƀŭn mbơh bah Ƀan ntĭm rđău njrăng n’gang srê Covid-19 ôi 30/9

F0 lĕ bah ji bah dâng 180 nar; Lĕ chuh đêt ngăn 1 nglai đah ntil vaccine chuh 2 nglai n’hanh đêt ngăn 14 nar jêh chuh rnôk dơi ngih pah kan dơi kan đă. Ƀư tĭng rjăp 5K, rnôk geh ăp nău ji “siăk, duh săk, jêr nsôr,...) mô lah an săm ngăch, ôp dâl đah mrô điện thoại ndal bah Rmôt ơh ngăch Covid-19 ta ntŭk mô lah Tổng đài săm ngăch 115. Lơn lah, nuĭh ƀon lan mô dah nsong êng đah ăp n’gor, nkual ƀon têh êng; nuĭh khlay ngăn an hăn n’gor êng ƀư tĭng nău ntrŭnh.

Nŭih rblang: Y Sưng Phê Ja