VOV4.M’nông – Tâm nar 14/10, Trung đoàn Gia Định-Bộ Tư lệnh nkual ƀon têh Hồ Chí Minh n’hanh UBND du đêt quận, nkuăl bah nkual ƀon têh lĕ ƀư nkah gĭt, ntĭnh ntăn rmôt athen, quân y bah ăp n’gor, nkual ƀon têh lĕ râng ntop kơl nkual ƀon têh njrăng n’gang srê Covid-19. Bơi 2 khay bah năp, rlău 300 học viện Quân y rnôk dơi đă bah Hà Nội hăn nkual ƀon têh Hồ Chí Minh gay râng njrăng n’gang srê Covid-19.

Kruanh Quận 1 nkual ƀon têh Hồ Chí Minh an bok wăn rwanh nkah gĭt ăp tahen

Aƀaơ plơ̆ sĭt đah ntŭk kan, pah kan nti nsơm tay, âk nuĭh tahen mom mô mpôn nău răm n’ăp nău nkah gĭt rnôk luh sĭt nkual ƀon têh. Tâm nar 14/10, UBND Quận 1 n’hanh Quận 5 lĕ tâm rgop đah Công ty pâl nđaih Ảnh Việt n’hanh Bảo tàng chứng tích tâm lơh tâm su ƀư nău nkah gĭt ăp rmôt tahen lĕ ntop kơl njrăng n’gang srê ta ntŭk tâm khay bah năp. Jêh bơi 2 khay dơi đă hăn nkual ƀon têh Hồ Chí Minh ntơm tâm lvang “nâm ơm mhe”.

Nuĭh rblang: Y Sưng Phê Ja