VOV4.M’nông – Jêh rnôk nkuăl Dak Rlâp, n’gor Dak Nông ƀư gŭ srang tâm ƀah kon nuĭh tĭng Ntĭm đă 16 tâm nar 7/9 đah trong way ƀư “Nuĭh ntŭk gŭ ri gŭ ta nĕ” gay njrăng, n’gang srê, Hội liên hiệp Bu ur nkuăl lĕ ƀư ntrong kan “shipe mô sŏk prăk” hăn chợ kơl nuĭh nuĭh ƀon lan.

Nkuăl Dak Rlâp (Dak Nông): Ndâk ƀư 110 rmôt hăn chợ kơl nuĭh ƀon lan njrăng, n’gang srê Covid-19

Tĭng nĕ, ta 11 xă, nkuăl têh, Hội liên hiệp Bu ur nkuăl lĕ ndâk ƀư 110 rmôt hăn chợ mô sŏk prăk đah tât râng bah 700 nuĭh ta ăp thôn, ƀon, tổ dân phố. Ăp nar, ăp rmôt “shipe mô sŏk prăk” mbra dơn nău đă hăn chợ rwăt ndơ kơl ăp rnăk. Rnôk jao ndơ ăp nuĭh mô tâm mâp ma an ta mpông pêr an kônh wa gay đăp mpăn tĭng nău ntrŭnh njrăng n’gang srê. Ntrong kan aơ mbra dơi Hội liên hiệp Bu ur nkuăl Dak Rlâp mât uĕh tâm nar gŭ srang tâm ƀah kon nuĭh tĭng Ntĭm đă 16.

Nŭih rblang: Y Sưng Phê Ja