VOV4.M’nông – Gay ntop kơl ngăch an nuĭh ƀon lan tâm nkual nkhah êng, lơn lah ăp rnăk ach o, rnăk rnoi mpôl đêt, rnăk geh nău rêh jêr jŏt nkuăl Dak Rlâp, n’gỏ Dak Nông lĕ rgŏ jă kônh wa rgop geh rhiăng tấn ndơ sa, phe ba n’hanh biăp play. Tĭng nĕ, bah nar 7/9 tât aƀaơ, nkuăl Dak Rlâp lĕ rgŏ jă geh rlău 55 tấn phe, 66 tấn biăp play, bơi 1.300 nklâm ndơ n’hanh rlău 300 rkeh prăk măt ntop kơl nuĭh ƀon lan njrăng n’gang srê Covid-19. Bah meng nĕ ntop kơl an ƀon lan nkual nkhah êng, nchoeng n’gang, nkuăl lĕ tâm pă phe, biăp, bum, play tât ăp nkual nkhah rgum ta ntŭk. Ntŭk bôk năp ta Dak Nông ƀư tĭng nkhah êng-nchoeng n’gang gay nking n’gang Covid-19, wa Phạm Văn Hải, dơi ƀư Kruanh UBND xă Quảng Tín, nkuăl Dak Rlâp an gĭt, đah nău kơl, ndrel ty bah ăp ngih pah kan, ntŭk kan n’hanh nuĭh ƀon lan, ăp rnăk n’hanh êng nuĭh ta nkual nkhah êng, nchoeng n’gang, lĕ tŏng ndơ sông sa, phe rlah. 2 ntŭk jêr jŏt ngăn đah srê Covid-19 lah ƀon Bu Bir n’hanh Bu Dzách, tât aƀaơ chôt srê lĕ dơi uănh nđôi n’hanh nău rêh bah nuĭh ƀon lan lĕ plơ̆ tây nâm ơm.

Nuĭh rblang: Y Sưng Phê Ja