VOV4.M'nông: Kơp ntơm bah 12 mông nar 22/9, nkuâl Dak Rlâp, n'gor Dak Nông dŭt bah an gŭ srang ngai tĭng nău ntrŭnh 16. Lam nkuâl mbra rgâl jêng nău ntrŭnh 15. Yơn lah, ta năp nô nău nuh srê hôm tât krit nji, UBND n'gor Dak Nông đă UBND nkuâl Dak Rlâp dŏng du đêt trong njrăng, n'gang nuh srê Covid-19 tĭng nău ntrŭnh 15+ đah xã Đăk Ru n'hanh xã Quảng Tín (lah 2 xã geh ăp tơm ntưp rêng lam ƀon lan âk). Đah ăp ntŭk tăch rgâl, rhŏ dŏng ngêt sa meng ăp trong Quốc lộ, dơn tăch an rvăt nsĭt dơm. Ta ăp nkual an gŭ rgum êng, ăp nuĭh F1 ntoch jong tay nar an gŭ rgum êng hôm 7 nar. N'gâng kan ta ntŭk nkah đă nuĭh ƀon lan lơi ir hăn luh trong, tĭng jăp ăp trong njrăng n'gang nuh srê Covid-19, nsrôih mô an nuh srê plơ̆ ntoh tay.

Kơp tât nar 22/9, n'gor Dak Nông năl geh 664 nuĭh ntưp đah SARS-CoV-2. Tâm nê, nkuâl Dak Rlâp geh 314 nuĭh. Lam n'gor aƀaơ geh 242 nuĭh ji hŏ sĭt bah nhih dak si, 1 hê nuĭh khĭt./.

Nuĭh rblang: Điểu Thân