VOV4.Mnông- Aƀaơ, lĕ rngôch ăp ntŭk tâm nkual Đồng bằng sông cửu Long lĕ geh nău nchrăp chuh vacxin an ăp oh kon hoc nti phổ thông. Tâm rnôk mbơh chuh, ăp n’gor lĕ uănh khlăy tât nău uănh năl na nê̆, mât đăp mpăn lĕ rngôch an ăp nuĭh geh chuh. Ntơm bâh nar 3/11, Kiên Giang lĕ ƀư chuh vac xin an rlău 13.300 kon hoc nti jrô 12 nti phổ thông n’hanh giáo dục thường xuyên ta lam n’gor. Ăp kon hoc nti jrô 12 mbra geh chuh tâm 1 nar n’hanh chuh ntop tay lĕ rngôch nuĭh hôm klen ta nar ba kơi ta ntŭk kon hoc mô lah ntŭk kan dak si nkuăl, xã, phường. Ta n’gor Hậu Giang, tĭng nău nchrăp bâh UBND n’gor bâh nar 4 tât 6/11 a tay, ta ntŭk mbra ƀư chuh vac xin njrăng Covid-19 an oh kon se bâh 12 tât 18 năm deh đah vacxin Pfizer tĭng nău ntrŭnh bâh n’gâng kan dak si.

Nuĭh rblang: Thị Đoắt