VOV4.Mnông-Kruanh dak Nguyễn Xuân Phúc lĕ geh nău ntoh ngơi ta rơh tâm nchră nsum gâl têh khóa 76 Đại hội đồng Liên hợp quốc đah bôk nău “Ndrel nâp knơm n’hanh têh dăng mpŏng tât ndâk nsơm lôch nuh srê Covid-19, njêng tay nâp nâl, mât ueh play neh, ntrôl an kon nuĭh geh nău dơi n’hanh rgâl mhe LHQ”. Tâm nău ntoh ngơi bâh nơm, rkuanh dak lĕ mbơh ăp nău roh jot mô dơi kơp tâm nuh srê Covid-19, lah na nê̆ nuh srê lah nău mbơh njrăng ndal mpeh nău tât dŭt jêr njrăng bâh nău ntul rlong rnă njrăng mô tă geh bâh ntơm kơt lah nuh srê mô lah rgâl trôk nar mih sial lah mô geh mât uănh na nê̆, mô geh njrăng bâh ơm, bâh ngai. Đah nău kan bâh LHQ, kruanh dak ŭch ntŭk kan aơ an geh mpơl tay nău kan tơm tâm ntrong kan âk ding, dôl tâm rgop geh săk rnglăy ăp nău nsrôih nsum tâm rdâng đah nău ntul rlong lam ntur neh ăp nar lơ ma ndăn aƀaơ ma mô êng du ngih dak dơi doh rklaih. Nău kan ndal bôk năp aƀaơ lah mât njrăng nuh srê Covid-19 ta lam ntur neh, ngăn lan an lor chuh Vacxin an nuĭh ƀon lan ăp dak geh rnoh chuh hôm đê̆, nta nău nơih gay ma ăp dak dôl hun hao tâm kơl pah kan n’hanh tât râng ƀư nău pă an Vaccine.

              Nuĭh rblang: Thị Đoắt