VOV4.M’nông – Rơh rƀŭn tal 4 bah Ủy ban Thường vụ Quốc hội lĕ ntơm ƀư tâm nar aơ (11/10). Ƀư tâm 4 nar, rơh rƀŭn mbra an rgop nău tâm âk nkô̆ nău khlay, tâm nĕ geh nău dăp rgum dŏng neh ngih dak năm 2021-2030, uănh tât năm 2050 n’hanh trong nchrăp dŏng neh 05 năm (2021-2025). Mpeh trong kan ndâk njêng pháp luật, Ủy ban Thường vụ Quốc hội an rgop nău mpeh nău nchrăp ƀư Luật nkra rgâl, ntop tay Phụ lục-Danh mục rnoh an kơp ngih dak bah Luật Thống kê; ăp nău nchrăp Nghị quyết mpeh rlong ƀư du đêt trong ƀư, nău kơl êng an hun hao ăp n’gor, nkual ƀon têh Hải Phòng, Nghệ An, Thừa Thiên-Huế. Mpeh ăp nău wăng sa-rêh jêng n’hanh tơm prăk ngih dak, Ủy ban Thường vụ Quốc hội an rgop mpeh ăp nău mbơh bah chính phủ mpeh nău mât uănh n’hanh dŏng prăk nkrem bảo hiểm y tế năm 2020; 2 năm (2019-2020) ƀư tĭng nghị quyết mrô 68/2013/QH13 mpeh ntrôl dăng ƀư tĭng nău kơl, pháp luật mpeh bảo hiểm y tế, rƀŏng tât bảo hiểm y tế lam ƀon lan; săk rnglăy ƀư tĭng trong nchrăp hun hao wăng sa-rêh jêng n’hanh nchrăp dŏng tơm prăk ngih dak năm 2021, trong nchrăp hun hao wăng sa-rêh jêng năm 2022; nchrăp dŏng tơm prăk ngih dak n’hanh trong ƀư tâm pă tơm prăk trung ương năm 2022.

Nuĭh rblang: Y Sưng Phê Ja