VOV4.M'nông: Ôi 18/10, HĐND nkual ƀon têh Hồ Chí Minh khoá X ntơm pơk rơh hop tâl 3. Uỷ viên Bộ Chính trị, Bí thư  Thành uỷ nkual ƀon têh Hồ Chí Minh Nguyễn Văn Nên tât râng. Lor rnôk ntơm pơk rơh hop, ăp nuĭh ntơh măt an du mnĭt nhêp măt nkah gĭt ăp nuĭh ƀon lan hŏ khĭt n'hanh ăp cán bộ, tahen, ăp mpôl kan njrăng n'gang nuh srê hŏ khĭt tâm rơh COVID-19. Aơ lah rơh hop khlay gay uănh năl lam lĕ rngôch pah kan njrăng n'gang nuh srê Covid-19 n'hanh ăp trong nkra dâk hao tay wăng sa. Kơp tât nar 17/10, nô nău nuh srê ta nkual ƀon têh Hồ Chí Minh hŏ rgâl uĕh, rnoh nuĭh ntưp hŭch ta rnoh pe mbrô, rnoh nuĭh khĭt hŭch ta rnoh 2 mbrô; rnoh âk chuh vaccine n'glai 1 an nuĭh ntơm bah 18 năm deh let lơ geh bơi 99%, n'glai 2 rlău 76%. Bah meng ăp nău dơi hŏ geh, nkual ƀon têh uănh năl nău tât khuch tă bah nuh srê lơh đŏng. Rơh hop mbra ntêm mông uănh năl lam lĕ rngôch mpeh nô nău wăng sa- rêh jêng kon nuĭh 9 khay n'hanh nău kan trong nkra ăp khay hôm ƀa ƀă; ƀư kloh nkô̆ nău, lơn lah nkô̆ nău uănh lhơ bah ăp nkuâl, ăp ntŭk kan n'hanh dăn đă ăp trong nkra tâm di./.

Nuĭh rblang: Điểu Thân