VOV4.Mnông- Nar 13/9, Ủy ban rnâng kan Quốc hội lĕ ntơm pơk rơh rƀŭn nchră tal 3 n’hanh nchrăp mbra jŏ tât nar 22/9. Ntoh ngơi ta ntơm pơk, kruanh Quốc hội Vương Đình Huệ an gĭt, ta rơh rƀŭn nchră aơ, Ủy ban rnâng kan Quốc hội mbra uănh n’hêl an tâm rgop nău ăp nkô̆ nău khlăy ndơ̆ an QH ta rơh rƀŭn nchră tal 2 n’hanh uănh n’hêl du đê̆ nău êng bâh nău dơi bâh Ủy ban rnâng kan Quốc hội, geh nđâp 5 rmôt nău tơm khlăy.

Kruanh Quốc hội Vương Đình Huệ ntoh ngơi ta rơh rƀŭn nchră.

Ta rơh rƀŭn nchră aơ, Ủy ban rnâng kan Quốc hội tâm rgop mpeh nău nchrăp Nghị quyết mpeh rlong ƀư du đê̆ nău kan, nău kơl gay ma an hun hao n’gor Thanh Hóa, uănh n’hêl, ntrŭnh mbơh nău njêng nkuăl ƀon têh Từ Sơn, n’gor Bắc Ninh, uănh n’hêl, ntrŭnh mbơh du đê̆ ntrong kan mô sŏk,  n’huch thuế gay ma kơl an doanh nghiệp, nuĭh ƀon lan geh nău tât bâh nuh srê Covid-19, an tâm rgop nău mpeh ntrong kan mât đăp mpăn rnă njrăng rnoh dak n’hanh mât đăp mpăn dak bât lvang năm 2021-2030 mpŏng uănh tât năm 2045.

Nuĭh rblang: Thị Đoắt