VOV4.M'nông: Ôi 4/10, Tâm nchră tâl 4 Ban Chấp hành Trung ương Đảng khoá 13 hŏ ntơm pơk rgum ta Thủ đô Hà Nội, Tổng Bí thư Nguyễn Phú Trọng ƀư tơm n'hanh geh nău lah ntơm pơk tâm nchră. Tâm nchră rơh dja mbra tâm rkhăch, an nău rgop mpeh: Nô nău njrăng, n'gang nuh srê Covid-19 n'hanh nău mĭn, trong nchrăp mpeh njrăng, n'gang nuh srê tâm nô nău mhe; Nô nău wăng sa- rêh jêng kon nuĭh năm 2021, trong nchrăp hun hao wăng sa- rêh jêng kon nuĭh năm 2022; nô nău tĭng ƀư trong kơl ngân sách ngih dak năm 2021, nchrăp sŏk dŏng ngân sách ngih dak năm 2022 n'hanh trong nchrăp prăk kaih - ngân sách ngih dak 3 năm 2022 - 2024; Trong nchrăp ntruch tay nar rgâl n'hao prăk khay tĭng Nghị quyết mbrô 27-NQ/TW bah Tâm nchră Trung ương 7 khoá XII n'hanh du đêt nkô̆ nău khlay êng ƀa ƀă. Lah kloh, ăp nkô̆ hao mbơh rblang Tâm nchră Trung ương rơh dja lah ăp nkô̆ nău khlay đah nău tĭng ƀư geh nău dơi Nghị quyết Đại hội XIII bah Đảng, lĕ ma nău tĭng ƀư rgum tơm lah hun hao wăng sa- rêh jêng kon nuĭh n'hanh tĭng ƀư nău kan n'gâng tơm lah rdâk njêng, dăp rgum Đảng, Tổng Bí thư Nguyễn Phú Trọng du tơ̆ tay đŏng đă, Trung ương ân mât uĕh nuih n'hâm dơn kan, gŭ mĭn, tâm nchră khuh n'gôr, rgop nău gay ăp tŏng trong mbơh, đề án, trong nchrăp ăp nghị quyết, n'glôch jêh bah Trung ương n'hanh mĭn uănh, n'glêh an tâm rơh hop n'glĕ dŭt. Tâm nchră nchrăp pah kan tât nar 7/10./.

Nuĭh rblang: Điểu Thân