VOV4.M’nông: Kêng măng 6/10, rơh rƀŭn Kruanh n’gâng kan ASEAN mpeh nau rnă njrăng mạng tal 6 (AMCC-6) yor Singapore ƀư tĭng nau kan trực tuyến ntơm geh ƀư. Rmnôt kan ntoh măt Việt Nam yor Trung tướng Lương Tam Quang, Kruanh N’gâng kan Công an râng rƀŭn tâm bôk ntoh ta Hà Nội. Du pơh ƀư nau rnă njrăng mạng tam ntur neh tal 6 ndrel rơh rƀŭn Kruanh N’gâng kan ASEAN mpeh nau rnă njrăng mạng tal 6 lah nau kan vay ăp năm yor Singapore ƀư tơm gay tâm nchră nau tă blau, mbơh ăp nau mhe mpeh nau rnă njrăng mạng lam ntur neh ndrel ASEAN. Nkô̆ tơm bah Pơh ƀư nau rnă njrăng mạng lam ntur neh năm aơ lah “Rêh nsum đah Covid-19-uănh ndơn ăp nau ntul rlong ndrel nau mhe mpeh nau rnă njrăng nau kan mrô” gay tâm nchră mpeh nau tâm rgop nsum đah ăp dak, rmôt kan gay ma ndăn ăp nau rgum nau kan mrô ê tă geh bah năp rơh srê ndrel rdâng đah ăp nau nkri tâm trong mạng dôl ma hao âk gay mât đăp mpăn rnă njrăng ndrel nau mât êng bah trong kan mạng./.

Nŭih rblang: H’Thi