VOV4.M’nông: Rơh r[u\n di\ng le\ rơh r[u\n tal 21 ăp ding râng nau ton nsum bah Liên hợp quốc mpeh nau rgâl mhe trôk nar (ntơ lah COP 21) ntơm [ư tâm nar aơ 30/11 đah nau râng bah 196 rmôt kan ntoh măt bah 195 dak n’hanh Liên minh Châu Âu (EU). COP 21 lah rơh r[u\n lam ntur nheh têh ngăn mpeh nau rgâl mhe trôk nar bah lam ntur neh. Mô êng têh mpeh nau kan, rơh r[u\n aơ hôm geh nau khlay tâm rnôk păng geh gu\ kâp mra geh nchră du nau nchrăp kan mhe, rgâl lơi nau ton ơm Kyoto tâm năm 2020. Nau lư bah lam ntur neh gu\ kâp, rơh r[u\n COP 21 rơh aơ mra njêng luh ăp nau kan tâm nau nsôih rchăng tay nau rgâl mhe trôk nar tâm lam ntur neh. Gay đăp mpăn rnă njrăng ân rơh r[u\n nchră, Pháp ntru\nh bơi tât 11.000 tahen cảnh sát, tâm nê 8000 cảnh sát n’hanh tahen geh leo tât ăp ntu\k mât nkân nkuăl n’har bri, êng nê 2.800 nu\ih kan mât kan rnă njrăng geh ntru\nh tât tâm nklang ntu\k geh rơh r[u\n rgum ta mpeh ba lơ bah Thủ đô Paris. Tâm lam nkual neh, 120.000 cảnh sát, tahen n’hanh [on lan geh rgum râng nchrăp lor ăp bôk nau kan rchăng n’gang đah phu\ng rlăng geh [ư tâm nau prêh ngăn./.

Nu\ih rblang: H’Thi.