VOV4.M’nông: Knŭng tâm du pơh, nkuăl ƀon têh Buôn Ma Thuột, n’gor Dak Lak mro kơp dơn ăp nŭih ntưp srê tâm ƀon lan mô kloh tu tơm ntưp, geh hăn âk ntŭk. Nau ngăn lah tâm ntŭk geh srê geh kơp năl tâm xã Cư Êbur đah 17 nŭih. Bah năp nau tât bah srê Covid-19, ăp rmôt kan bah nkuăl ƀon têh Buôn Ma Thuột ngăch nchueng, rdâng ndrel joi nŭih ndrel nkân njrăng ăp ntŭk.

Ntơm lơ 22/8, xã Cư Êbur hŏ nchueng lĕ ƀon Ea Bông đah 10 ntŭk nkân. Nkre ƀư nau test uănh ngăch ân ƀon lan. Lơ 23/8, nau geh năl tâm rlau 1.500 nŭih uănh ngăch tâm ƀon Ea Bông, geh 17 nŭih ntưp đah SARS-Cov2. Jêh rnôk geh nau năl, tâm lơ 23/8, UBND nkuăl ƀon têh Buôn Ma Thuột hŏ ntrŭnh nau ân kơt tĭng nau ntrŭnh mrô 16 bah lam xã Cư Êbur. Kơt ri, knŭng tâm 8 nar, ntơm lơ 16/8 tât 23/8, nkuăl ƀon têh Buôn Ma Thuột geh 28 nŭih ntưp srê Covid-19 tâm 4 ntŭk geh srê tâm ƀon lan./.

Nŭih rblang: H’Thi