VOV4.M’nông – Ôi 29/7, AstraZeneca lĕ rdêng sĭt nkual ƀon têh HCM ntop tay 659.900 dĭng vaccine Covid-19. Aơ lah rơh jao vaccine tal 6 mpeh tâm ton nchăm rwăt lor đah AstraZeneca Việt Nam n’hanh Công ty Cổ phần vaccine Việt Nam (VNVC), đah nău ntop kơl bah N’gâng kan dak. Aƀaơ, tâm ton aơ lĕ djôt sĭt an Việt Nam bơi 3,8 rkeh dĭng, tâm ban đah 41% dĭng lĕ vaccine Covid-19 bah AstraZeneca tâm dak. Lĕ rngôch lĕ geh bơi 9,3 rkeh dĭng vaccine Covid-19 bah AstraZeneca dơi rdêng tât Việt Nam. Wa Nitin Kapoor, Kruanh nkre ƀư Tổng Giám đốc, AstraZeneca Việt Nam n’hanh ăp ntŭk tăch Châu Á mhe hao an gĭt: mbra kan ndrel tay đah N’gâng kan dak si, WHO, UNICEF n’hanh VNVC gay ndơ̆ vaccine sĭt Việt Nam du trong ngăch n’hanh đăp mpăn ngăn dơi geh, gay nuĭh ƀon lan ơm dơi plơ̆ tay nău rêh nâm ơm n’hanh tâm rgum đah rnăk wâl.

Nŭih rblang: Y Sưng Phê Ja