VOV4.M'nông – Jêh 41 nar săm, nar 25/6, nuĭh ji Covid-19 mrô 3836 ta Dak Lak lĕ sĭt bah ngih dak si tâm nău răm rhơn bah rnăk wâl n’hanh rmôt nai dak si. Nuĭh ji ntưp Covid-19 mrô 3836 lah F1 bah nuĭh ji 3052 ta Thuận Thành, Bắc Ninh. Aơ lah nuĭh ji geh săm jêr jŏt. Jêh rnôk lăp ngih dak si săm, nuĭh ji geh jêr nsôr, mô uĕh trong mham n’hanh an nsôr măy mô lăp, dơi mât chŏl nău ji, mô kŏt mham, trih mham an lăp. Nău kan dak si Dak Lak lĕ đă ndeh n’hanh 3 kíp y, nai dak si bah Ngih dak si Đa khoa nkual Tây Nguyên tât Ngih dak si hiăn n’hanh ji klơm soh gay nsrôih săm an nuĭh ji aơ. Ngih dak si Chợ Rẫy nkual ƀon têh Hồ Chí Minh đă 3 nuĭh way kan hăn ntop kơl săm. Tât aƀaơ, jêh 3 tơ̆ uănh năl mham mô ntưp na nao, nuĭh ji dơi sĭt plơ̆ đah rnăk wâl n’hanh ƀư tĭng uănh nđôi, tĭng di nău ntrŭnh bah N’gâng kan dak si.

Nuĭh rblang: Y Sưng Phê Ja