VOV4.Mnông-  Rơh rƀŭn nchră Hiệp hội nău kan ntŭk rêh jêng ASEAN tal 10 đah bôk nău “Nuĭh pah kan ntŭk rêh jêng lah ntŭk kan tơm bâh ntrong kan ndâk nsơm Covid-19” geh ƀư ta ôi 21/9 tĭng trong trực tuyến. Aơ lah nău kan yor n’gâng kan Lao động thương binh n’hanh xã hội dak he-đah nău kan lah kruanh Hiệp hội nău pah kan ntŭk rêh jêng ASEAN lvang năm 2020-2021 ƀư. Rơh rƀŭn nchră geh nău tât râng trực tuyến bâh ăp ntŭk kan, bôk nău tơm mât kan ăp ntŭk kan tâm kơl way kan bâh ASEAN. Đah nău kan kruanh Hiệp hội pah kan ntŭk rêh jêng ASEAN lvang năm 2020-2021, Việt Nam lĕ tâm rgop na nê̆ đah ăp dak kan ndrel ASEAN, ntŭk kan mât kơl an oh kon se LHQ n’hanh ăp dak kan ndrel geh tât rdâk njêng n’hanh ƀư lôch ntrong kan ƀư tĭng nău mbơh Hà Nội mpeh ntrôl nău kan ntŭk rêh jêng mpŏng tât ntŭk rêh jêng ASEAN tâm rgop n’hanh leo kan tâm di gay ma ndơ̆ rơh rƀŭn nchră gâl têh ASEAN tal 38 kơp dơn tâm khay 10 atay. Ta rơh rƀŭn nchră, ndơn kan an ăp ntŭk kan way kan bâh ASEAN n’hanh ăp dak kan ndrel, lĕ ndrel tâm mbơh n’hanh tâm kơl mpeh nău mĭn kan nău kan tơm khlăy bâh ntŭk kan rêh jêng tâm ntrong kan mât chăm kơl an n’gâng kan dak si n’hanh nău rêh jêng. Tâm rnôk geh ƀư bâh rơh rƀŭn nchră lĕ geh ƀư rơh kahgĭt 10 năm nău kan ntŭk rêh jêng ASEAN 2011-2021.

Nuĭh rblang: Thị Đoắt