VOV4.M’nông: Jêh rnôk Chính phủ geh nau ntrŭnh 128 mpeh nau ƀư ân đăp mpăn, ngăch, nkân njrăng srê Covid-19, âk ntŭk kan bah ăp n’gor mpeh ba dâng plơ̆ pah kan tay ri ăp nŭih pah kan bah ăp n’gor tâm Tây Nguyên kŏ ntơm plơ̆ hăn pah kan tay. Tâm Quốc lộ 14, ăp nar êp aơ geh âk bôk ndeh tâm nthoi rƀŏng mpeh ba dâng, nŭih pah kan plơ̆ pah kan đah nau ŭch ăp nau rvê, nau jêr hŏ geh ăp ntŭk ndơn nŭih pah kan ton nau rklaih lôch.

Rnôk srê nuh tât jêr, ntŭk ƀư kan ntâl mpông, nŭih pah kan ta Tây Nguyên hŏ sĭt tă bah nkuăl mpeh ba dâng sĭt ngih der srê. Yơn rnôk geh Chính phủ geh nau ân ƀư đăp mpăn, ueh, nkân njrăng ân nâp srê Covid-19, âk ntŭk pah kan hŏ plơ̆ tay nau kan đăp mpăn, ueh nâp. Ndrel ngăn lah, ăp nar geh bơi tât 1000 nŭih hăn mpeh ba dâng gay ma pah kan tay. Aơ lah nau ueh gay ndâk tay nau văng sa tâm nkuăl văng sa tơm mpeh ba dâng jêh bah srê./.

Nŭih rblang: H’Thi