VOV4.M’nông: Nau mbơh ôi 24/5 bah N’gâng kan dak si ân gĭt, geh tay 58 nŭih ntưp srê Covid-19, tâm nê geh 2 nŭih lăp dak nơm geh nkhah nkre, 56 nŭih hôm e geh kơp dơn tâm dak nơm tâm 6 n’gor, nkuăl ƀon têh, êng Bắc Giang hŏ geh 33 nŭih. 2 nŭih geh nkhah rnôk lăp ta Hà Nội kŏ lah quốc tịch Ấn Độ, geh bu ur 35 năm ndrle kon 3 năm. Tâm rnoh 56 nŭih kơp dơn tâm dak nơm, n’gor Bắc Giang geh 33 nŭih, 8 nŭih ta Hà Nội, 7 nŭih tâm Bắc Ninh ndrel 5 nŭih ta Lạng Sơn, 2 nŭih ta Điện Biên ndrel du hê ta Hải Dương. Kơp tât 6h lơ 24/5, Việt Nam geh 3.790 nŭih ntưp tâm dak nơm ndrel 1.485 nŭih lăp dak. Geh 6 n’gor hŏ rlau 14 nar mô geh kơp dơn nŭih ntưp mhe, nê lah: Yên Bái, Quảng Ngãi, Đồng Nai, Nghệ An, Quảng Ninh, Quảng Nam. Tât rnôk aơ, lam dak hŏ geh 42 nŭih khĭt yor srê Covid-19, 2.721 nŭih geh săm bah./.

Nŭih rblang: H’Thi