VOV4.M’nông: N’gâng kan dak si mbơh, tât 6h lơ 13/8, Việt Nam hŏ săm bah 89.145 nŭih ji ntưp srê Covid-19. Tĭng nau mbơh bah ntŭk srê mhe bah N’gâng kan dak si, kơp tât rnôk aơ, Việt Nam geh 246.568 Covid-19, tâm nê geh 2.395 nŭih lăp gŭ ndrel 244.173 nŭih tâm dak. Tâm rnoh nŭih ntưp mhe geh 86.371 nŭih geh mbơh bah. Geh 4/62 n’gor, nkuăl ƀon têh hŏ rlau 14 nar mô geh ntưp mhe tâm dak lah: Quảng Ninh, Bắc Kạn, Tuyên Quang ndrel Lai Châu. Geh 8 n’gor, nkuăl ƀon têh mô geh nŭih ntưp tâm nkuăl tâm 14 nar rlau aơ: Lào Cai, Kon Tum, Hà Giang, Quảng Trị, Yên Bái, Yên Bái, Thái Bình, Bắc Giang, Hải Phòng. Mpeh nau kan săm nŭih ji Covid-19 rnoh nŭih geh săm bah tâm dak nơm tât rnôk aơ lah 89.145 nŭih. Rnoh nŭih ji jâk dôl ICU lah 499 nŭih. Khĭt lah 4.813 nŭih./.

Nŭih rblang: H’Thi