VOV4.Mnông-Ôi nar 5/10, ta Hà Nội, hội đồng Đội Trung ương tâm rgop đah Trung ương hội sinh viên Việt Nam n’hanh Công ty Cổ phần Tập đoàn Thiên Long ƀư bôk nău kan “Pă ndơ dŏng nti- kơl nău gĭt vât” năm 2021 gay ma kơl an kon hoc, sinh viên geh nău khuch tât yor nuh srê geh tŏng ndơ ma nti. Bôk nău kan aơ geh mbơh ƀư ta ăp n’gor, nkuăl ƀon têh geh ƀư tĭng nău gŭ tâm ƀah ntŭk rêh jêng n’hanh ăp n’gor nkuăl ƀon têh geh nău khuch khat hô yor nuh srê Covid-19, mpŏng tât kon hoc, sinh viên lah oh kon rnăk ach o, ƀon lan rnoi đê̆, oh kon nuĭh pah kan dôl kan ta ăp nkual công nghiệp, n’hanh kon rnăk vâl cán bộ tahen, nai dak si, y tá, ăp mpôl kan bôk năp tâm nău njrăng rdâng nuh srê geh nău rêh jêr jŏt. Bâh aƀaơ tât dŭt năm, bôk nău kan “Pă ndơ nti-kơl nău gĭt vât” mbra pă an rlău 8 rbăn ndơ dŏng nti n’hanh pâl rlưn, rklă mĭn nti, 650 nklâm học bổng an kon hoc nti gâl 1, gâl 2; 200 nklâm học bổng an sinh viên ach o, 20 rbăn nklâm ndơ dŏng nti an kon hoc ach o, jêr jŏt, nkual njônh ngai lvang năm 2021-2025.

Nuĭh rblang: Thị Đoắt