VOV4.M'nông: Nkhêp geh Tết Trung Thu, ôi 20/9, Trung ương Đoàn TNCS Hồ Chí Minh, Trung ương Hội Liên hiệp thanh niên Việt Nam n'hanh Trung ương Hội Nai dak si mom Việt Nam ndơ̆ an Thành đoàn Hà Nội n'hanh Trung ương Hội Nai dak si mom Hà Nội 1 rbăn 500 bánh trung Thu gay njuăl tât ăp nai dak si dôl pah kan rdâng lơh nuh srê n'hanh 100 “dŭng dak si F0”, rhŏ dŏng an pah kan săm nuĭh ji ta Hà Nội. Ntơm bah nar 12/9 tât 20/9, ăp cán bộ bah Trung ương Đoàn TNCS Hồ Chí Minh, Trung ương Hội Hội Liên hiệp thanh niên Việt Nam n'hanh rmôt hăn kơl êng hŏ ƀư 12 rbăn mblâm bánh trung thu gay pă an ăp nai dak si ta bôk trong rlong sial rdâng lơh nuh srê ta ăp n'gor. Dŭt njrăng, tâm pơh bah năp nơh, ta  nkual ƀon têh Hồ Chí Minh, Trung ương Hội Nai dak si mom Việt Nam phăt na nê̆ 3.000 "Dŭng dak si F0" n'hanh bánh trung thu an nuĭh ji Covid-19 săm ta jay, rnoh khlay bơi 800 rbăn prăk/dŭng. Trung ương Hội Nai dak si mom Việt Nam ntop  kơl tay 50 nai dak si rdâng lơh nuh srê ntoh lư, geh nău rêh jêr jŏt, ăp nuĭh 10 rkeh prăk, tâm nê Hà Nội geh 10 nai dak si./.

Nuĭh rblang: Điểu Thân