VOV4.Mnông- Măng nar 19/12, ta tach ndeh păr Nội Bài lĕ geh ƀư rơh pă vacxin, ndơ dŏng, ndơ nkret ƀư dak si n’hanh prăk dŏng an ăp ntŭk kan, doanh nghiệp bâh Việt Nam. Ta rơh pă an, groi Thủ tướng chính phủ Lê Minh Khái n’hanh Tổng thư ký Quốc hội, kruanh ntŭk kan Quốc hội Bùi Văn Cường lĕ pă vacxin, ndơ dŏng dak si, prăk dŏng an ăp doanh nghiệp Hàn Quốc n’hanh Ấn Độ pă an Việt Nam di rơh tât pah kan bâh Kruanh Quốc hội an n’gâng kan dak si, Ủy ban Trung ương Mặt trận Tổ quốc Việt Nam.

Na nê̆, pă an 200 rbăn dĭng vacxin COVAXIN an oh kon se ba dâng 18 năm deh yor Tập đoàn Bharat Biotech bâh Ấn Độ kơl an. Ndơ̆ lĕ rngôch công nghệ n’hanh 1 tấn ndơ ƀư dak si 4.750 rbăn găr dak si MOVINAVIR mât săm Covid-19 yor công ty Optimus Pharma bâh Ấn Độ tâm rgop đah Công ty cổ phần hóa- dược phẩm Mekophar bâh Việt Nam. Pă an 2 rmen Won klâp ma 40 rmen prăk yor Tập đoàn Tài chính Hana Hàn Quốc kơl an ndrel đah Ngân hàng thương mại cổ phần Đầu tư n’hanh phát triển Việt Nam BIDV gay ma mbơh ƀư ăp nău kan mât rnă njrăng rêh jêng.

Nuĭh rblang: Thị Đoắt