VOV4.M'nông: Nthoi tay ăp nău kan ta Mỹ, Kruanh dak Nguyễn Xuân Phúc hŏ tât khâl Công ty Pfizer, ngoăy tâm ăp công ty sinh học dược phẩm dâk bôk năp lam ntŭr neh. Kruanh dak rnê âk công ty Pfizer hŏ ndơ̆ jao an Việt Nam rlău 2,8 rkeh dĭng vaccine tĭng nău tâm ton pă an hŏ ký đah Chính phủ Việt Nam, lah rjăp nău đăp mpăn tŏng ăp tơm vaccine mô dơn geh nkô̆ khlay đah n'hâm suan rêh bah ƀon lan, ma hôm kơl đăp mpăn n'hanh hun hao wăng sa- rêh jêng kon nuĭh đŏng. Kruanh dak dăn đă Pfizer uănh khlay n'hanh ntrŭt ntrôl n'hao âk rnoh vaccine Pfizer pă an Việt Nam dŭt ơm tâm khay 9/2021 n'hanh jao lĕ tâm năm 2021 tĭng nău tâm ton 31 rkeh dĭng vaccine ma bar ding hŏ ký ton; ơm jêng ngăn ngăn gay ndơ̆ jao dŭt ơm vaccine an kon se ntơm bah 12- 18 năm deh. Pfizer ton pă an Việt Nam tâm năm aơ tŏng 31 rkeh dĭng vaccine njrăng n'gang Covid-19 an bu kuâng nkre geh 20 rkeh dĭng vaccine an kon se rnôk Pfizer geh tŏng rnoh nchih mbơh mpeh nău tam n'hanh đăp mpăn săk tam bah vaccine./.

Nuĭh rblang: Điểu Thân