VOV4.M’nông: Lơ 31/8, Quân đoàn 3 (N’gâng kan neh dak) gŭ kan ta n’gor Gia Lai hŏ ƀư nau leo hăn kơl an nchuăn rdeng bơi tât 60 tấn ndoh ndơ gay ma kơl an kônh wa ƀon lan tâm nkuăl geh srê tâm nkuăl ƀon têh Hồ Chí Minh. Ngăn lah, tâm bơi tât 60 tấn ndoh ndơ kơl an bah Quân đoàn 3 geh rlau 20 tấn phe, rlau 20 tấn ndoh ndơ geh: ndơ sa sơh, dak toh, mì tôm, dak ngi, bột ngọt ndrel bơi tât 19 tấn bum, play.

Aơ lah ăp ntil ndơ geh cán bộ, nŭih tahen bah ăp rmôt kan tâm Quân đoàn 3 rgop kơl an ndrel n’hao nau kan tuch tăm tâm rơh rlau aơ. Dĭng lĕ ndoh ndơ aơ geh rmôt kan 10 bôk ndeh bah Quân đoàn 3 nchuăn rdeng leo jao ân Uỷ ban MTTQ Quận Bình Chánh (nkuăl ƀon têh Hồ Chí Minh) pă ân ƀon lan ta aơ gay ma njrăng srê./.

Nŭih rblang: H’Thi