VOV4.M’nông: Tâm nau nchrăp chuh n’gang neh dak njrăng rdâng srê Covid-19, Quân khu 5 geh jao nau kan ndơn, mât, nchuăn rdeng, ăp vắc xin njrăng rdâng srê Covid-19 ân 11 n’gor, nkuăl ƀon têh nkuăl Miền Trung-Tây Nguyên tâm lam Quân khu. Ăp nar rlau aơ, rmôt nchuăn rdeng, leo bah rmôt mât Kho vắc xin Quân khu 5 hŏ mô rvê măng nar, nsôuh leo vắc xin tât ăp n’gor, mât đăp mpăn mpeh ăp ding. Rnôk aơ quân khu 5 hŏ ndơn 14 ndeh rdeng vắc xin, rmôt kan tâm rgop nsum đah ntŭk ndeh mât, uănh nau tam, mêt uănh nau duh n’ik bah ăp thùng ndeh n’ik, đăp mpăn nau n’ik ueh ngăn tâm nau nchuăn rdeng vắc xin. Tât rnôk aơ, ntŭk kan mât kơl an Quân khu 5 hŏ ƀư nau nchuăn rdeng geh nau dơi rlau 10 tấn ndơ dŏng dak si ndrel bơi tât 300 rbăn dĭng vắc xin tât ăp n’gor Miền Trung-Tây Nguyên. Nau nsôih bah ăp mrôt kan tâm Quân khu 5 rgop nau ntrŭt dăng nau chuh n’gang njrăng rdâng srê Covid-19, nsôih rdâng nâp./.

Nŭih rblang: H’Thi