VOV4.M'nông: Ntơh măt Uỷ ban Thường vụ Quốc hội, Kruanh Quốc hội Vương Đình Huệ mhe ký an dŏng nghị quyết mbrô 406 mpeh an dŏng du đêt trong nkra gay ntop kơl doanh nghiệp, nuĭh ƀon lan tât khuch bah nuh srê COVID-19. Nghị quyết lah kloh, n'hŭch 30% rnoh geh sŏk soăy nsĭt geh wăng sa doanh nghiệp nôp bah năm 2021 đah nuĭh ndơ̆ prăk sŏk soăy tĭng nău way bah Luật sŏk soăy nsĭt geh wăng sa doanh nghiệp geh rgum wăng sa năm 2021 mô rlău 200 rmen prăk n'hanh rgum geh wăng sa năm 2021 hŭch rđĭl đah rgum geh wăng sa năm 2019. An rong dơm ăp nuĭh geh wăng sa êng, sŏk geh rnoh hao khlay ndơ n'hanh ăp ntil sŏk soăy êng ƀa ƀă ân ndơ̆ an ntoh bah nău kan ƀư njêng, tăch rgâl bah ăp khay tâm quý III n'hanh quý IV năm 2021 đah ăp rnăk, ăp nuĭh geh nău kan  ƀư njêng, tăch rgâl ta ăp nkuâl geh tât khuch bah nuh srê Covid-19 tâm năm 2021 tă bah Kruanh Ủy ban nhân dân n'gor, nkual ƀon têh mpeh trung ương n'glêh an. Nghị quyết geh nău tam ntơm bah nar 19/10/2021.

Nuĭh rblang: Điểu Thân