VOV4.M’nông: Lơ 27/9 tât, ntŭk kan Quốc hội tâm rgop nsum đah Uỷ ban Rnâng kan văng sa bah Quốc hội ƀư tâm nchră rmôt kan nchră nau mpeh văng sa, rêh jêng. Tâm nchră geh ƀư đah nau kan trực tuyến ndrel sŏng ngăn đah ăp ntŭk tơm khlay bah Hà Nội ndrel du đê̆ n’gor tâm lam dak. Ƀư tơm nau tâm nchră lah Kruanh Quốc hội Vương Đình Huệ ndrel Groi Kruanh Quốc hội Nguyễn Đức Hải. Rơh tâm nchră mra rgum tât 2 nau kan, nchră tât nau dôl geh bah ntŭk kan tơm prăk, ntuh kơl, tăch rgâl lam ntur neh năm 2021, nau geh mhe ngăn bah văng sa lam ntur neh ndrel ndơ̆ luh nau geh khuch tât Việt Nam, nau tât mhe ngăn bah srê Covid-19 đah văng sa rêh jêng Việt Nam, nau ƀư nau kan chuh n’gang vắc xin njrăng srê Covid-19, nau tă geh dơi bah nau ntrŭnh nau kan, nau đă, ntrong kan ân Việt Nam ntơm rnôk aơ tât lôch năm ndrel ăp năm ba kơi bah năm kan Quốc hội gưl XV./.

Nŭih rblang: H’Thi