VOV4.M’nông: Tâm lơ 25/10, lŏ rơh rƀŭn bah quốc hội, ăp ntoh măt tâm nchră tâm tâm rmôt mpeh nau nchrăp Luật tăch rgâl (rgâl nkra). Aơ lah nau nchrăp geh nau khlay tâm ntŭk kan tơm prăk, aơ kŏ lah nau ƀư kan tăch rgâl geh nau êng nơm. Nkre văng sa đah nau ŭch êng, yơn lah lŏ ntrŭnh nau rvăt bảo hiểm nchâp đă. Rvê tât nau kan aơ, âk nau rgop đă ntrŭnh ân kloh nau kan gay ma der nau pă bảo hiểm ndrel tâm boh nau kan, n’hao prăk sŏk, n’huch prăk trok pă đah ăp ntil nau kan. Rgop nau tâm rnôk tâm nchră ta rmôt, Kruanh Quốc hội Vương Đình Huệ rnê ngăn nau ueh bah nau nchrăp luật ndrel nau kan mêt uănh. Nkre ân lah, luật bảo hiểm rgâl nkra doh rklaih nau kol, ntrŭt nau ƀư kan bảo hiểm ân hun hao nâp lơn. Yơn lah, Kruanh Quốc hội kŏ nkah du đê̆ nkô̆ tơm ân geh kơp uănh gay n’hao lơn tay nau ueh bah nau nchrăp luật. Tâm nê hợp đồng bảo hiểm ân tâm di đah nau mhe jêh aơ lah ƀư nau kan tĭng trong mrô, điện tử./.

Nŭih rblang: H’Thi