VOV4.Mnông- Ôi nar 21/10, ăp đại biểu Quốc hội lĕ tâm nchră ta rmôt mpeh nău nchrăp hun hao wăng sa - rêh jêng năm 2022 n’hanh nău kan njrăng rdâng nuh srê Covid-19. Ăp đại biểu uănh rnê âk nău ntrŭnh mbơh kan têh khlăy n’hanh ăp ntrong kan mât đăp mpăn n’hanh ngăch lĕ geh mbơh ƀư tâm ba năp nơh, kơl dơi geh ăp nău dơi têh khlăy kơt lah: Tât aƀaơ, nuh srê lĕ dơi mât njrăng ta lam dak, dơi tâm rdâng đah ăp nău tât ndal bâh nuh srê geh ntrŭnh an n’hanh ntơm rgâl jêng nău tâm di ueh, mât njrăng an geh săk rnglăy nuh srê đah nău ŭch mât ueh an săk soan, kon nuĭh bâh ƀon lan, âk nău an saơ lĕ geh nău ueh tâm nău ndâk nsơm n’hanh hun hao wăng sa rêh jêng, ndơ̆ neh dak plơ̆ tay kơt ơm mhe an ngăch ơm lah dơi. Tĭng nău mbơh ăp đại biểu, geh 3 nău kan tơm khlăy lah nău gay ma hun hao wăng sa rêh jêng năm 2022, nĕ lah ndâk nsơm- ntrôl nău pah kan tăch rgâl, ntrôl nău tăch ndơ an dak bah dih n’hanh ntrôl nău ngăch pă prăk ntuh kơl nsum gay ma rgum lĕ rnoh kan ta ntŭk rêh jêng tĭng ndơ dŏng ntung trong.

Nuĭh rblang: Thị Đoắt