VOV4.M’nông: Kêng măng 22/10, Quốc hội djăt nau mbơh ndrel tâm nchră ta rmôt mpeh nau kan ƀư nau ntrŭnh, nau dŏng bảo hiểm xã hội, mât ndrel dŏng tơm prăk Bảo hiểm xã hội năm 2020, Nau kan mât ndrel dŏng tơm prăk Bảo hiểm y tế năm 2020 ndrel ƀư nau ntrŭnh mrô 68 bah Quốc hội gưl 13 mpeh nau ntrŭt dăng nau ntrŭnh, pháp luật mpeh bảo hiểm y tế, rƀŏng tât bảo hiểm y tế lam ƀon lan tâm 02 năm 2019-2020. Kơp tât lôch năm 2020, rnoh nŭih rvăt bảo hiểm xã hội lah rlau 16 rkeh nŭih, tâm ban 33,5% rnoh nŭih pah kan tâm năm. Rnoh geh prăk bảo hiểm y tế lah rlau 110 rbăn nŭih, dŏng trok bảo hiểm y tế năm 2020 lah rlau 104 rbăn rmen, rnoh geh tơm prăk bảo hiểm y tế âk lơn rnoh dŏng tơm prăk bảo hiểm y tế rlau 5 rbăn rmen. Nau mbơh mêt uănh bah Uỷ ban Xã hội đă Chính phủ lôch ƀư nau ntrŭnh mrô 68 ƀư nau dơi gay leo nchră, đă Quốc hội ntrŭnh nau ân tâm di đah nau mhe, mĭn nau kan n’hao rnoh rgop bảo hiểm y tế ân tâm di, nkre rđau ăp ntŭk kan, n’gâng kan ndrel nkuăl n’hao nau uănh, mêt nau ƀư nau kan, pháp luật mpeh bảo hiểm y tế, rklaih rjăp ăp nau ƀư tih./.

Nŭih rblang: H’Thi