VOV4.M’nông – Nar aơ, 25/10, Quốc hội tâm nchră trực tuyến mpeh nău nchrăp ƀư Luật nkra rgâl, ntop du đêt điều bah Bộ luật Tố tụng hình sự; nău nchrăp ƀư Luật nkra rgâl, ntop tay du đêt điều bah Luật Thống kê n’hanh tâm nchră ta rmôt mpeh nău nchrăp Luật tăch rgâl bảo hiểm (nkra rgâl). Tâm nar 24/10, Quốc hội lĕ tâm nchră trực tuyến mpeh ăp nău mbơh trong kan bah Chánh án Tòa án nhân dân tối cao, Viện trưởng viện kiểm sát nhân dân tối cao; trong kan njrăng n’gang nău tih n’hanh tih pháp luật; trong kan thi hành án; trong kan njrăng n’gang sa khâm năm 2021; Dự thảo Nghị quyết mpeh ƀư phat dôih trực tuyến n’hanh trong kan njrăng n’gang sa khâm. Âk nuĭh ntoh măt an lah, nu nău sa khâm dŭt n’hâm ƀư jêr an nuĭh ƀon lan, doanh nghiệp tâm nkual hành chính, ndoh ndơ nsum, lơn lah tâm nău kan công an, tahen, dak si, geh du gâl mô jêt sa khâm sa ƀer hô, an phong dôih hình sự.

Nŭih rblang: Y Sưng Phê Ja