VOV4.M’nông: Kêng măng 31/8, ta ntŭk kan ntoh nau ngơi neh dak, 58 Quán Sứ, Hà Nội, Radio Việt Nam ƀư nau leo hăn rmôt kan cán bộ, phóng viên ƀư nau kan tâm ăp n’gor tâm mpeh ba dâng. Rmôt cán bộ, phóng viên hăn kơl aơ rơh aơ geh 12 nŭih, hăn nkuăl ƀon têh Hồ Chí Minh ndrel ăp n’gor mpeh ba dâng, yor đồng chí Phạm Mạnh Hùng, Groi Tổng Giám đốc Radio Việt Nam ƀư tơm. Rmôt hăn kan gay n’hao nau rđau đă, mbơh nau, nkoch trêng mpeh nau kan njrăng rdâng srê Covid-19 ndrel du đê̆ nkô̆ nau tâm ntŭk nkoch mbơh nau bah Radio Việt Nam. Ta nar ntơm hăn, ăp phóng viên hăn kơl an bah Radio Việt Nam kŏ ntoh nau ŭch râng hăn nsum đah rmôt kơl an, nsôih nkoch trêng mbơh mpeh srê. Ŭch geh âk nau mbơh, nau uănh âk ntil, ueh ngăn mpeh nau kan njrăng, rdâng srê bah neh dak./.

Nŭih rblang: H’Thi