VOV4.M'nông: Tĭng ƀư Nghị quyết mbrô 19 bah Trung ương jao an Đảng đoàn Quốc hội rđău đă nău rgâl nkra kơi ntop Luật neh ntu năm 2003; nkre ôp uănh tay lam lĕ rngôch, ƀư wat jêh ăp đạo luật geh tât, njêng ntŭk nsing tâm di an nău tĭng ƀư Nghị quyết n'hanh groi  nđôi nău tĭng ƀư lam dak, kêng măng ntri (19/8), Kruanh Quốc hội Vương Đình Huệ ndrel mpôl pah kan hŏ geh rơh pah kan đah Bộ Tài nguyên n'hanh môi trường.

N'glôch jêh ta rơh pah kan, Kruanh Quốc hội Vương Đình Huệ mĭn lah, Luật neh ntu lah du nkôp luật geh ntŭk gŭ kan rgum tơm tâm lam rêng pháp luật mpeh neh ntu, ngoăy tâm ăp rêng si ƀŭt pháp luật geh tơm khlay mha êng, ring tam dŭt têh hvi, nău păch pêng n'hanh nău jêr dŭt âk. Kruanh Quốc hội lah rjăp, ân gŭ mĭn n'glĕ tât ring tam bah trong nchrăp luật, uănh khlay nău tât ring tam du trong mbơh kloh, ăp nkô̆ nău mhe ma mô hŏ geh rêng gŭ mĭn ri ân dŭt njrăng uănh khlay na nê̆. Nkre, rnôk djăt, rblang ân way ôp dăn, djăt nău rgop bah âk mpeh, nkre ndjăt rkhăl, luh rsang./.

Nuĭh rblang: Điểu Thân