VOV4.M'nông: Ôi (12/8), Trung ương Hội Liên hiệp Druh ndăm Việt Nam ntơm dâk ngăn nău kan 65 nar tâm rlong mbah rhơn Nkah ndray 65 năm Nar way ơm Hội Liên hiệp druh ndăm Việt Nam (15/10). Tă bah an gŭ srang ngai êng tĭng nău ntrŭnh mbrô 16 bah Thủ tướng Chính phủ, nău ntơm an ƀư tĭng trong pơk Clip rgŏ jă ta ăp nền tảng mạng xã hội n'hanh dơi nkoch trêng ta ăp ndơ dŏng nkoch trêng nău lư nsum mpôl. Tĭng Bí thư Bôk năp Trung ương Đoàn, Kruanh Hội Liên hiệp druh ndăm Việt Nam Nguyễn Anh Tuấn, rơh tâm rlong dja ƀư tâm rnôk dŭt n'hâm mha êng, jêng, mbra dŭt jêr wăch rgum ăp hội viên, druh ndăm ma du nău kan na nê̆ đah rnoh âk hang rmưn druh ndăm tât râng. Yơn lah, aơ lah trong ƀư tâm di, geh nkô̆ khlay jru n'hanh lơn lah nkah he mô dơi thơ tha, uănh lhơ ta năp nuh srê Covid-19, nkah ăp druh mom, ăp hội viên, druh ndăm ân mô rlu nău nsrôih, nsrôih âk lơn đŏng tâm let năp tay, gay nsum ti ndrel neh dak lơh dơi nuh srê, ndơ̆ nău rêh plơ̆ tay kơt ơm tâm nô nău mhe./.

Nuĭh rblang: Điểu Thân