VOV4.M'nông: Tâm trôm bôk nău kan Đại hội Đồng AIPA tâl 42, kêng măng 23/8 ƀư tâm nchră Bu ur Nghị sỹ, tâm nchră mpeh nkô̆ ntrŭt ntrôl ntăm an nău dơi wăng sa an bu ur lôch dâk hao tay bah kơi nuh srê n'hanh nău kan ma kỹ thuật mbrô n'hanh prăk kaih nkrum lam". Ta rnôk tâm nchră, Kruanh Uỷ ban Bu ur Nghị sỹ AIPA lah rjăp tât nkô̆ nău tâm ban bu ur bu klô, 30% bu ur ASEAN dôl mâp jêr jŏt n'hanh lơn âk lah ƀư ăp nău kan tâm rnăk wâl. Nuh srê ƀư bu ur châp đêt lơn. Covid hŏ ntrôl ngăch nău rgâl mbrô, nău dja nar lơn ma ƀư jêr jŏt lơn an bu ur. Yor kơt nê̆ mpôl ntơh măt Brunei- dak tơm jay AIPA- 42 hŏ geh nău nchrăp nghị quyết mpeh nău ntrŭt ntrôl ntăm an nău dơi wăng sa an bu ur tâm rơh bah kơi dâk hao tay bah kơi nuh srê n'hanh pah kan ma trong kỹ thuật mbrô n'hanh prăk kaih nkrum lam, gay hŭch bah mô tâm ban bu ur bu klô./.

Nuĭh rblang: Điểu Thân