VOV4.M’nông – Ôi nar 8/10, Ngih sam ƀŭt Đại học Kinh tế-Đại học Quốc gia Hà Nội tâm rgop đah ngih sam ƀŭt Đại học Hải Phòng, Ngih sam ƀŭt Đại học Thương mại n’hanh Ban mât uănh nkual ƀư sa Hải Phòng ƀư rgum nchră khoa học đah bôk nău “FDI lam ntŭr n’hanh nău rgâl bah doanh nghiệp FDI ta Việt Nam tâm rnôk mhe”. Tĭng nău mbơh ta rgum nchră, tơm prăk FDI lam ntŭr neh lah nsum n’hanh FDI ta Việt Nam lah êng lĕ n’hanh dôl geh khuch hô bah srê Covid-19. Yơn lah, prăk ntuh kơl tă bah dak bah dih tâm tâm dak he tâm 9 khay năm aơ hôm e geh rlău 22 rmen đôlar, hao 4,4% nkôp đah rơh aơ năm e. Aơ lah du săk rnglăy uĕh, tăch rgâl. Bôl ndrĭ, ăp nuĭh ntoh măt rblang ăp nău n’hŭch tâm nău wăch rgum FDI bah dak he tâm khay bah năp kơt: Nu nău n’hôl ƀô ntŭk gŭ rêh, rnoh đăp mpăn ŭnh nar, rnă njrăng prăk kaih bah du đêt nău nchrăp ƀư FDI. Mpeh trong mkra wăch rgum FDI rơh mhe tâm khay tât, ăp nuĭh ntoh măt an lah, dak he an geh ăp nău kơl an âk, geh trong tâm rlong, gay wăch rgum ăp nuĭh ntuh kơl trong kan têh.

Nuĭh rblang: Y Sưng Phê Ja