VOV4.M’nông – Ôi 25/8, N’gâng kan mât njrăng bri dak tâm rgop đah Ban Tuyên giáo Trung ương, Văn phòng Chính phủ n’hanh N’gor ủy Quảng Bình ƀư pơk sŏng dăng Rgum nchră khoa học gưl Ngih dak Nkah gĭt 110 năm Nar deh Đại tướng Võ Nguyên Giáp. Rgum nchră geh bôk nău “Đại tướng, Tổng Tư lệnh Võ Nguyên Giáp-Du nău gĭt blău tahen ƀon lan, nuĭh kruanh gĭt blău bah cách mạng Việt Nam”.

Lam ntŭk Rgum nchră Khoa học gưl Ngih dak ta ntŭk ƀoh n’gor Quảng Bình.

Ntoh ngơi ntĭm rđău ta Rgum nchră pơk sŏng dăng Ntŭk ƀoh N’gâng kan mât njrăng bri dak ta Hà Nội, Đại tướng Phan Văn Giang, Ủy viên Bộ chính trị, geh nuih n’hâm, geh nkô̆ nău ngăn tâm ăp nău ƀư nkah gĭt 110 năm Nar deh Đại tướng Võ Nguyên Giáp. Ăp nău tâm nchră n’hanh rgop nău nkoch ta Rgum nchră rgop ntop tay ăp nău mbơh, sam ƀŭt rup ndah gay mĭn lah tay nău rêh, nău kan cách mạng ntoh lư, ntơr ang bah đồng chí Đại tướng Võ Nguyên Giáp; ntô̆ n’hao n’hanh nkah gĭt ăp n’hâm soan, têh kuăng bah đồng chí đah nău kan cách mạng bah Đảng n’hanh rnoi mpôl. Rgop nâp nâl nău nsing nơm bah nuĭh ƀon lan đah nău rgâl mhe neh dak yor Đảng he rdâk njêng n’hanh ntĭm rđău.

Nŭih rblang: Y Sưng Phê Ja