VOV4.M’nông – Nkhêp di nkah gĭt 76 năm Cách mạng khay 8 (19/8) n’hanh Quốc khánh 2/9 (1945-2021), ôi (31/8), Viện Hồ Chí Minh n’hanh ăp kruanh bah Đảng (Học viện Chính trị quốc gia Hồ Chí Minh) tâm rgop nkual di tích Kruanh Hồ Chí Minh ta ntŭk kruanh dak ƀư Rgum nchră khoa học tĭng trong pơk sŏng dăng đah bôk nău: “Kruanh Hồ Chí Minh đah nău ŭch đăp mpăn-dah rŏng-uĕh lăng”. Lôch nău rêh, Kruanh Hồ Chí Minh lĕ nsrôih, roh lĕ n’hâm soan yor ăp nău rƀŏng, nău khlay têh bah rnoi mpôl n’hanh kon nuĭh, tâm nĕ ŭch ngăn đăp mpăn, dah rŏng-uĕh lăng. Ta rgum nchră, Groi Giáo sư, Tiến sỹ Lê Văn Lợi, Groi Kruanh Học viện chính trị Quốc gia Hồ Chí Minh lah rjăp, aƀaơ, lam đảng lam ƀon lan dôl rŭn soan ƀư tĭng Nghị quyết Đại hội rơh tal 13 bah Đảng, ntrôl dăng rơh rgŏ jă nti, ƀư tĭng nău mĭn, nău rêh n’hanh pah kan Hồ Chí Minh, ƀư tĭng ăp trong mkra nking n’gang, ntrôl rŭch srê Covid-19, mât njrăng n’hâm soan bah nuĭh ƀon lan.

Nŭih rblang: Y Sưng Phê Ja