VOV4.M'nông: Nar 27/9, ta Jay Quốc hội hŏ ƀư rơh rgum nchră ôp nău nuĭh rnâng kan mpeh wăng sa- rêh jêng kon nuĭh. Râng rgum nchră bơi 80 nuĭh ntơh măt an ăp n'gâng kan, ăp mpôl kan dak bah dih, nuĭh rnâng kan wăng sa. Rơh rgum nchră ƀư ma trong pơk sŏng dăng n'hanh mâp na nê̆. Lah ntơm bôk trong tâm nchră, Groi kruanh Quốc hội Nguyễn Đức Hải lah rjăp, ăp nău rgop bah rơh tâm nchră nar aơ lah trong mbơh gĭt nău lư khlay gay Quốc hội n'glêh an ăp nkô̆ nău khlay bah neh dak mpeh wăng sa- rêh jêng kon nuĭh; rgum nchră lah ntŭk gay ăp nuĭh rnâng kan, ăp nuĭh khoa học, ăp nuĭh mât uănh nău kan mpơl nău mĭn jru, âk mpeh njônh uănh, geh nău tâm rgop bah he gay hun hao wăng sa- rêh jêng kon nuĭh săk geh, jŏ nâp. Ăp nuĭh rnâng kan, ăp nuĭh khoa học, ăp n'gâng kan an nău rgop mpeh nô nău tâm dak, rnôk geh gay lôch jêh trong nchrăp hun hao wăng sa- rêh jêng kon nuĭh 4 khay kêng dŭt năm 2021, lĕ ma năm 2021 n'hanh rdâk njêng trong nchrăp năm 2022./.  

Nuĭh rblang: Điểu Thân