VOV4.M'nông: Tĭng nchih rgum bah Bộ Giáo dục n'hanh Đào tạo, kơp tât 5h kêng măng nar 5/9, geh rlău 358 rbăn kon se nti rgâl nău ŭch đăng ký sơch lăp nti, âk rlău 45% tâm lĕ rngôch rnoh kon se nti đăng ký sơch lăp nti ma trong dŏng lôch jêh thi tốt nghiệp trung học phổ thông năm 2021 hao rlău 3% rđĭl đah năm e nơh. Rnoh âk nuĭh sơch lăp nti lor rnôk rgâl lah rlău 3 rkeh 800 rbăn, rĭng ăp nuĭh đăng ký 4,8 nău ŭch. Rnoh âk nău ŭch đăng ký sơch lăp nti lôch rnôk rgâl lah rlău 3 rkeh 900 rbăn nău ŭch, hao rlău 84 rbăn nău ŭch, kơp rĭng ăp nuĭh sơch lăp nti đăng ký 4,9 nău ŭch. Bộ Giáo dục n'hanh Đào tạo an  gĭt đŏng, geh rlău 78 rbăn nuĭh dơn lăp nti ma ăp nhih nti hŏ nchih mbơh lam, hao nklăp 5 rbăn rđĭl đah năm e nơh. Tĭng nar sơch lăp nti bah Bộ Giáo dục n'hanh Đào tạo, ntơm bah nar 13/9 tât 5h kêng măng nar 15/9, ăp nhih nti ƀư sơch rơh 1. Bah năp 5h kêng măng nar 16/9, ăp nhih nti mbơh lôch jêh geh sơch lăp nti rơh 1./.

Nuĭh rblang: Điểu Thân